Навоийда такси ҳайдовчисига жазо тайинланди. У йўловчи аёлларга шилқимлик қилган.
Маълум бўлишича, Навоий шаҳридаги деҳқон бозори атрофида такси ҳайдовчиси икки аёлни манзилига олиб бориш учу автомашинасига миндирган. Бироқ ҳайдовчи мижозларни манзилга етказгунга қадар йўловчи аёлларга беҳаё сўзлар айтган. Бундан ғазабланган аёллар йўлнинг ярмида таксидан тушишга мажбур бўлган.
Аёллар тегишли органга мурожаат қилган ва шундан сўнг ҳайдовчи топилган. Киракаш қилган ишидан пушаймон эканини айтиб барчадан узр сўраган ва у ҳозирда10 сутка маъмурий қамоқ жазосини ўтамоқда.
