Аввалроқ сайтимиз орқали Қўқонда депутат 15 суткага қамалгани ҳақида ёзган эдик. Маълум бўлишича, Қўқонда яна бир депутатга нисбатан жиноий қўзғатилган. Бу ҳақда хабар.уз хабар қилди.
Бугун, Қўқон шаҳар кенгашининг навбатдан ташқари сессияси бўлиб ўтган ва унда депутатлар Х.Н. ва М. А.ларнинг ваколатларини муддатидан илгари тугатиш тўғрисида қарор қабул қилинган.
Манбанинг хабар қилишича, 1979 йилда туғилган депутат Х.Н. телеграмда гўёки Қўқонда икки шахсда коронавирус аниқланиб, карантинга олингани ҳақида уйдирма хабар тақатган. Бундай йўл билан депутат Республика Махсус комиссиясининг карантин қоидаларини қўпол равишда бузган.
Шундан келиб чиқиб ҳозирда депутатга нисбатан ЖКнинг 244-5-моддаси (Карантинли ва инсон учун хавфли бўлган бошқа юқумли касалликлар тарқалиши ҳақида ҳақиқатга тўғри келмайдиган маълумотларни тарқатиш) билан жиноят иши қўзғатилиб, тергов ҳаракатлари олиб борилмоқда.
