Фарғонада мудҳиш воқеа юз берди. Ота ўз фарзандини 4 қаватдан итариб юборди.
"Дарё" нашрининг хабар беришича воқеа шу йилнинг 27 январь куни содир бўлган. 6 ёшли Д.Ш.нинг отаси И.Ш. шу куни соат 21:00 ларда Қўқондаги бирлашган темир йўл шифохонаси биносининг 4-қаватидан ўғлини итариб юборган. Бу ҳақда ҳуқуқ тартибот органларига 22:30 да хабар келиб тушган.
Дастлаб ота ўз қилмишини яшириш мақсадида бола эҳтиётсизлик натижасида тушиб кетганини айтишга уринган. Лекин шифокорлар ҳаракати билан тирик қолган бола психологларнинг ёрдамида бўлган воқеани айтиб берган. Ота болани 4 қаватда деразадан итариб юборган. Ота хотини уни ва боласини ташлаб Россияга кетгани учун тушкунликка тушиб ушбу ишни қилганини айтишга уринган.
Иш юзасидан дастлаб ЖКнинг 111-моддаси (эҳтиётсизлик орқасида баданга ўртача оғир шикаст этказиш) 1-қисми билан жиноят иши қўзғатилиб, тергов ҳаракатлари ўтказилган. Лекин кейинчалик тўпланган материаллар натижасида И.Ш.нинг ҳаракатларида ожиз аҳволдаги шахсни қасддан ўлдиришга суиқасд қилиш аломати борлиги аниқланган.
Шу сабабдан жорий йил 7 апрел куни ЖКнинг 25-моддаси (жиноятга тайёргарлик кўриш ва жиноят содир этишга суиқасд қилиш) ва 97-моддаси 2-қисми (айбдорга аён бўлган ожиз аҳволдаги шахсни қасддан ўлдиришга суиқасд қилиш) «в» бандига қайта малакаланиб, Қўқон шаҳар прокуратурасининг иш юритувига олинган.
