Самарқандда уй можароси сабаб қайнонасини ўлдирган келинга ҳукм ўқилди

6-12-2018, 12:48
Ҳодиса
Самарқандда уй можароси сабаб қайнонасини ўлдирган келинга ҳукм ўқилди
Шу йилнинг ёз ойларида самарқандлик 36 ёшли аёл қайнонасини пичоқлаб ўлдирган эди. Мазкур ҳолат юзасидан суд ҳукми ўқилиб қотил келин ўн икки йил муддатга озодликдан маҳрум қилинди. “Зарафшон” газетасида келин нима сабабдан у ишни қилгани ҳақида батафсил маълумот берилди.

Бу хонадонга келин бўлиб тушганидан бери, яъни 2006 йилдан буён қайнонаси билан бирга истиқомат қилган. Оилада келишмовчиликлар бўлган. Қайнона ҳовлининг ярмини сотиб, уни қизига расмийлаштириб бергач, ўртада ўзаро низолар авж олган. Аммо гувоҳлар фикрига таянадиган бўлсак, қайнона ўғлини ва келинини бу ҳовлидан чиқариб юбориш ниятида бўлмаган. Ўзаро келишмовчилик эса давом этаверган.
Шундай кунларнинг бирида қулай фурсатни пойлаб, уйда ҳеч ким йўқлигидан фойдаланган келин қайнонасига кетма-кет пичоқ санчади. Қайнонасини ўлдирганидан мурдани плёнкага ўраб, ертўлага туширишга ҳаракат қилади. Бу ишни амалга ошириш учун вояга етмаган, ҳали 12 ёшга ҳам кирмаган ўғилларидан ёрдам сўрайди. Бувисининг мурдасини кўриб, қўрққан болакайлар онасига ёрдам беришдан бош тортади. Онаси эса уларга бу гапни ҳеч кимга айтмасликни тайинлайди.

Уйига турмуш ўртоғи кириб келганда ҳам гўё ҳеч нарса бўлмагандай ўзини тутади. Қайнонасини эса узоқроқ қариндошлариникига меҳмондорчиликка кетганини киприк қоқмай айтади. Орадан уч-тўрт кун ўтгач, келин ертўладаги мурдани бу ердан чиқариб ташлаш кераклиги ҳақида режа тузади. Кўчадаги такси ҳайдовчиларидан бирининг рақамини олиб, уйида таъмирлаш ишлари олиб бораётганини, шунинг учун баъзи нарсаларини қариндошиникига олиб бориши кераклигини айтиб, гилам орасига ўралган мурдани машина юкхонасига жойлаштиради. Сиёб каналига яқин жойда машинани тўхтатиб, нарсаларини тушириб қолади. У ёғига ўғли билан бир амаллаб, мурдани сувга оқизиб юборади.
Бу орада турмуш ўртоғи, қайнопаси онасидан хавотир олиб, қариндошларига қўнғироқ қилаётган, онасини шифохоналару бориши мумкин бўлган барча жойдан қидиришга тушганди. Натижа бўлмагач, ички ишлар идораларига мурожаат қилишига тўғри келади. Ички ишлар идоралари ходимлари ўз навбатида уларни сувда топилган жасад билан юзлаштирадилар…

Келиннинг қилмишлари фош бўлди, унга нисбатан суд ҳукми ўқилди. Икки фарзанднинг онаси жинояти учун ўн икки йил муддатга озодликдан маҳрум қилинди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
ГУЛБАХОР 7 декабр 2018 22:42
Эшитишимизча 44 та пичок урган, 4 кун подвалга киргизиб куйган бу жуда вахший котиллик жазо 12 йил

МУНОСАБАТ БИЛДИРИШ

Сўнгги янгиликлар

ДХХ қўшни давлат билан чегара ҳудудида жиноятни фош этди

ДХХ чегара қўшинлари қўшни давлат билан чегара ҳудудида жиноятни фош этди. Маълум бўлишича, шу йил 9 февраль санасида...
Кеча, 21:03

Азиз Абдуҳакимов Ўзбекистонда янги телеканал очишни таклиф қилди

Ўзбекистон Республикаси Бош вазир ўринбосари – Туризмни ривожлантириш давлат қўмитаси раиси Азиз Абдуҳакимов Тошкентда...
Кеча, 20:52
/ Муҳокамалар +1

Тошкентда 10 ёшли қиз бедарак йўқолди

Тошкентда 10 ёшли қиз бедарак йўқолди. Бу ҳақда телеграмдаги йирик гуруҳларда хабарлар тарқалди. Мавжуд маълумотларга...
Кеча, 20:26

Янги тафсилотлар: Италиялик модел Тошкентда мурдаси топилишидан бир неча кун олдин ўлгани маълум бўлди

Аввалроқ Тошкентда италиялик модел Гено Джорджо Тошкентда ижарага олган уйида ўлик ҳолда топилгани ҳақида хабар берган...
22-02-2020, 17:25

Самарқандда ҳомиладор аёл ва унинг 5 ёшли фарзандининг устига "столб" қулаб тушди

Самарқандда ҳомиладор аёл ва унинг 5 ёшли фарзандининг устига "столб" қулаб тушди . Воқеа шу йил 20 феврал куни содир...
22-02-2020, 17:04
/ Муҳокамалар +1