Кеча, 27 апрел соат 20.00 дан 28 апрел 00.30 га қадар Туркманистон ҳудудидан Ўзбекистонга кучли шамол кириб келди.
Кучли шамол республиканинг Бухоро, Навоий, Самарқанд ва Қашқадарё вилоятларида сезилди. У ерларда шамол 9-40 м/сек. тезликда эсди. Унинг натижасида энг катта зарар Бухоро вилоятида сезилди. Ҳудудда шамол натижасида фуқароларнинг 29 нафар енгил жароҳатланиб, 1 нафари оҳғир жароҳатланган ва 1 нафари ҳалок бўлган. Шунингдек, ҳудудда шамол натижасида ижтимоий объектлар, автомашиналар ҳам зарар кўрган.
Ҳозирда келтирилган зарарни ўрганиш ва талофатларни бартараф этиш мақсадида вилоятларда штаблар ташкил этилган.
