Тошкентда аёл ўз эрини пичоқлаб ўлдирди. Бу ҳақда Тошкент шаҳар ИИББ хабар қилди.
Воқеа шу йилнинг 20 апрел санасида Юнусобод туманида содир бўлган. Маълум бўлишича, ҳодиса содир бўлишидан аввал эр хотин спиртли ичимлик ичишган ва шундан сўнг улар ўртасида келишмовчилик юзага келган. Жанжал оқибатида Алиев Рустамнинг фуқаровий хотини унинг чап кўкрак соҳасига пичоқ билан бир марта урган. Рустам воқеа жойида вафот этган. Унинг ўлганини билган хотини эса воқеа жойидан яширинган. Олиб борилган тезкор тадбир натижасида аёл ушланган.
“У мендан пул сўради. Мен унга пулим йўқлигини тушинтирдим. У эса “сен менга бир тийин ҳам бермайсан, ҳеч нарса сотиб олмайсан” деб жанжал кўтарди. Биз урушдик. Кейин унинг ортидан эшикни ёпиб чиқдим ва пичоқ билан бир марта урдим, у йиқилди. Шундан сўнг мен уйга кириб пичоқни яширдим ва эшикни ёпдим”, – дейди Анастасия.
Ҳозирда ушбу ҳолат юзасидан ЖКнинг тегишли моддалари билан туман прокуратураси томонидан жиноий иш қўзғатилган. Тергов ҳаракатлари олиб борилмоқда.
