Бухоро вилоятининг Жондор туманида ваҳимали хабар тақарганлар ушланди. Бу ҳақда "Дарё" хабар қилди.
Маълум бўлишича, Жондор туманининг Пўлоти қишлоғида яшовчи фуқаролар — Рустам Хўжақулов ҳамда Воҳид Равшановлар ер қимирлайди, табийй офатлар кети узилмаяпти тезда манзилдан кетиш керак деган мазмунда норасмий хабар тарқатган. Бундан хабар топган уларнинг ҳамқишлоқлари 29 апрел куни тонги соат 04.00 да оила аъзолари билан бирга тумандан чиқиб кетишга ҳаракат қилган. Шундан сўнг эса қишлоқда саросима юзага келган.
Ушбу ҳолатдан сўнг вазиятга ҳуқуқ тартибот органлари ходимлари аралашган ва ваҳима келтириб чиқарган хабарни тарқатганларни ушлаган. Айбдорлар ўз навбатида қилган ишидан пушаймон эканини айтиб, тумандошларидан узр сўраган. Уларга нисбатан Маъмурий жавобгарлик тўғрисидаги кодекснинг 54-моддаси (эпидемияга қарши кураш қоидаларини бузиш)га асосан маъмурий баённома расмийлаштирилган.
