Жиззах вилояти Шароф Рашидов тумани ҳокимининг ёрдамчиси 400 доллар пора олаётганда ушланди. Бу ҳақда Постда нашри хабар қилди.
Маълум бўлишича, 1992 йилда туғилган, ҳамшира М.М. ҳоким ёрдамчиси Р.М.га 10 сотих ер кераклигини, у ерда спорт майдончаси ва аёллар учун фитнес клуби очмоқчи эканини маълум қилган. Ҳоким ёрдамчиси ер олиш масаласи ҳал этилишини, лекин бунинг "нархи" 1000 доллар эканини айтган. Ёрдамчи ушбу пулларни туман архитектура бўлими масъулига беришини айтган. Аёлга бу таклиф ёқмади ва у ИИБга мурожаат қилди.
Шундан сўнг ҳоким ёрдамчиси ўзининг "Нексия-3" автомашинасида пулларни олаётган вақтда қўлга олинди.
