Андижонда эркак хотинини ўлдириш билан қўрқитиб қайнонасининг уйини ёқиб юборишга ҳаракат қилди. Бу ҳақда Олий суд хабар қилди.
Воқеа шу йил 21 апрелда содир бўлди. Эркакнинг аёли кўплаб тортишувлардан сўнг онасининг уйига кетиб қолган. Шундан сўнг эркак хотинини уйига қайтаришни хоҳлаганда аёл буни рад этди.
Рад жавобини эшитган эркак хотинини пичоқ билан ўлдиришга қўрқитган ва қайнонасининг уйини бензин билан ёқиб юборишга ҳаракат қилган. Уларнинг бахтига эркакни ҳуқуқ тартибот органи ходимлари тўхтатиб қолди. Суд қарорига кўра эркак 15 суткага қамалди ва 4 млн 460 минг сўм жаримага тортилди.
