Маълум бўлишича, Навоий вилояти Навбаҳор туманида яшовчи 22 ёшли қиз ўзининг 27 ёшли севган йигити уни қўрқитиб пул талаб қилаётгани юзасидан ҳуқуқ тартибот органларига хабар қилган. Қизнинг маълум қилишича, у 2 йилдан бери йигит билан яқин муносабатда бўлиб юрган. Кунларнинг бирида йигит қиз фош этилишини истамаган маълумотларни ижтимоий тармоқларга тарқатиб юбориш билан қўрқитиб ундан 3 млн сўм талаб қилган. Йигит айтилган пулни қизнинг қўлидан олаётганда ДХХ ва ИИБ ходимлари томонидан қўлга олинган.
Ҳозирда ҳолат юзасидан ЖКнинг 165-моддаси 1-қисми (товламачилик) билан жиноят иши қўзғатилган.
