Навоийда 300 киши эвакуация қилинди. Бу ҳақда ФВВ хабар қилди.
Маълум бўлишича, бугун, 13 май куни соат 02:30дан 04:30 гача ёққан кучли ёмғир Навоий вилояти Зарафшон шаҳрида сел келишига сабаб бўлган. Бунинг натижасида 4 хонадон қисман зарар кўрган.
Шундан сўнг Фавқулодда вазиятлар бошқармасининг тезкор ҳаракати натижасида 300 нафар фуқаро хавфсиз ҳудудга эвакуация қилинган ва бунинг оқибатида уларнинг ҳаёти сақлаб қолингани айтилмоқда.
