Маълум бўлишича, шу йил 13 майдан 14 майга ўтар кечаси бир гуруҳ фуқаролар Андижон туманида жойлашган “Андижанпетро" МЧЖга тегишли бўлган қувурдан нефть маҳсулотларини ўғирланаётган вақтда ҳуқуқ тартибот органи ходимлари томонидан қўлга олинган. Воқеа жойидан 35 қоп нефть маҳсулотлари, 30 та бўш қоплар ва қувурга уланган махсус мослама ҳамда 8 метр целлофан топилган. Маълум қилинишича, улар 10 млн 500 минг сўмлик маҳсулотларни ўғирлаган ва марказий қувурга шикаст етказишган.
Ҳозирда ушбу уюшган гуруҳга нисбатан ЖКнинг тегишли моддалари билан жиноий иш қўзғатилган.
