ДХХ Тожикистон ва Қирғизистондан олиб келинган гиёҳванд моддаларини мусодара қилди

19-05-2020, 11:24
Ҳодиса
ДХХ Тожикистон ва Қирғизистондан олиб келинган гиёҳванд моддаларини мусодара қилди
ДХХ Тожикистон ва Қирғизистондан олиб келинган гиёҳванд моддаларини мусодара қилди. Бу ҳақда EVERYDAY.UZ мухбири хабар қилди.

Маълум бўлишича, ходимлар томонидан Тожикистон орқали Сурхондарё ва Қашқадарё вилоятларига гиёҳвандлик моддалари етказиб бериш ҳолатлари кузатилган. Хусусан, ДХХ Чегара қўшинлари ҳарбий хизматчилари томонидан олиб борилган тезкор тадбир давомида Тожикистондан олиб ўтилиб, Сурхондарёнинг Сариосиё туманидаги “Сарижар” маҳалласида яшириб қўйилган 61 кг 838 гр. “гашиш” гиёҳвандлик моддаси топилган. Ҳозирда ушбу моддалар кимга тегишли экани аниқлаштирилмоқда.

Шунингдек, Қашққадарёнинг Ғузор туманидаги ЙПХ постида сурхондарёлик 33 ёшли Акмал Ўруновнинг "Ласетти"си текширилганда у ердан 506 гр. “гашиш” ва 236 гр. “опий” гиёҳвандлик воситалари топилган. Кейинчалик аниқланишича Акмал ушбу моддаларни тожикистонлик фуқародан 4,5 минг долларга сотиб олган ва мамлакатимизда сотиш учун Қарши шаҳрига олиб кетаётган бўлган.

Юқорида таъкидланганидек мамлакатимизга Қирғизистон орқали ҳам гиёҳвандлик моддаларини олиб кириш ҳолатлари кузатилган. Бундай ҳодисалар асосан Фарғона водийсида юз берган. Хусусан ДХХ томонидан Наманганда Абдуҳалил Сабайдуллаевнинг "Ласетти"си текширилганда у ердан 1,5 кг “гашиш” гиёҳвандлик моддаси топилди. Маълум бўлишича, Абдуҳалил ушбу моддани Баҳодир Комиловдан олган, Баҳодир эса гиёҳванд моддани қирғизистонлик "Акром"дан қабул қилиб олган. Тезкор тадбир натижасида Баҳодир ва Абдуҳалил қўлга олинган. Таъкидлаш жоиз, Абдуҳалил ўзи 2016 йилда гиёҳванд моддалар савдоси билан шуғуллангани учун 12 йилга "кесилган" бўлган. У 2018 йилдан эса ахлоқ тузатиш ишлари жазосини ўтаб келаётган бўлган.

Шунингдек, Наманганда яна бир фуқаро гиёҳвандлик моддаси билан қўлга олинди. 29 ёшли Улуғбек Султонов қирғизистонлик “Бахт” исмли шахсдан 278 гр. “гашиш” гиёҳвандлик моддаси олгандан сўнг ходимлар томонидан қўлга олинган. Унинг ёнидан яна қўшимча 1000 доллар ҳам топилган.

Бундан ташқари, Андижоннинг Пахтаобод туманидаги Қирғизистон билан чегарадош “Уйғур” қишлоғида 29 ёшли Абдуҳамид Иминжонов, 22 ёшли Санжарбек Қосимов ва 18 ёшли Азаматжон Ўлжаевлар сим тўсиғи устидан қирғизистонликлар томонидан улоқтирилган 479 гр. “гашиш” гиёҳвандлик моддасини қабул қилиб олган вақтда ДХХ ходимлари томонидан қўлга олинди.

ДХХ томонидан ўтказилган тадбир давомида умумий ҳисобда 64 кг 600 гр. “гашиш” ва 236 гр. “опий” гиёҳванд моддалари мусодара қилинди.

Ҳозирда юқорида келтирилган барча ҳолатлар бўйчиа ЖКнинг тегишли моддаларига асосан жиноят ишлари қўзғатилиб, тергов ҳаракатлари олиб борилмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Бугундан бошланаётган келажак – Сергелидаги мактаблар таълим тизимининг янги рамзи

Таълимга жиддий эътибор бермаган, соҳани узлуксиз ривожлантириб бормаган бирор давлат тараққиётга эришмаслиги тарихда...
Бугун, 09:09

Президент мактаб дарсликлари савияси талабга мутлақо жавоб бермаслигини айтди

Ўзбекистон Президенти Шавкат Мирзиёев бугун Сергели туманидаги 329-умумий ўрта таълим мактабга борди. Давлат раҳбари у...
Бугун, 00:51

Ҳошим Арслоновнинг ўлимига нима сабаб бўлгани маълум қилинди

Аввалроқ актёр Ҳошим Арслонов оламдан ўтгани ҳақида хабар берган эдик. Хизмат кўрсатган артист 64 ёшида вафот этди....
Бугун, 00:39

Ўзбекистонда кун давомида нечта фуқарода коронавирус аниқланди?

Соғлиқни сақлаш вазирлиги тоомонидан Ўзбекистонда коронавирусга чалиниш ҳолати бўйича сўнгги маълумот эълон вилинди....
Бугун, 00:29

Актёр Ҳошим Арслонов оламдан ўтди

Актёр Ҳошим Арслонов оламдан ўтди. Бу ҳақда Ўзбекистон Киноарбоблари ижодий уюшмаси хабар қилди. Маълум қилинишича,...
Кеча, 22:00