Ватандошларини Қозоғистонга олиб бориб паспортларини бермасдан текинга ишлатган ўзбекистонлик фуқаро ушланди. Бу ҳақда ҳуқуқ тартибот органлари хабар қилди.
Маълум бўлишича, Ижтимоий тармоқларда Қозоғистонда ўзбекистонлик Ҳуррам Б. Исмли шахс гўёки жиноят содир этганликда асоссиз айбланаётгани ҳақида маълумотлар тарқалган. Ушбу ҳолат аслида қуйидагича бўлгани маълум қилинмоқда.
2013 йилда бир гуруҳ шахслар, Ҳуррам Б., Нураддин Д. ва Фахриддин Т.лар икки нафар фуқарони Қозоғистонда қонуний ишда ишлайсан деб алдаб олиб бориб, ўша ерда уларнинг пасптортларини олиб қўйиб, маошларини бермасдан ишлатган. Шундан сўнг 2013 йил оҳирида алданган фуқаролар мамлакатимиздаги ҳуқуқ тартибот органларига мурожаат қилишган. Улар ўз аризаларида барчасини баён этган. Шундан сўнг ҳолат юзасидан ЖКнинг 135 моддаси (“Одам савдоси”) “б” банди 2 қисми бўйича жиноий иш қўзғатилган ва Нураддин Д. ҳамда Фахриддин Т.лар ушланиб, жазога тортилган. 2014 йил январда эса Ҳуррам Б. Қидирувга берилган. Ушбу ҳолатдан кейин Ҳуррам Б. 2020 йилнинг февраль ойида Қозоғистон ҳуқуқ тартибот органлри ходимлари томонидан қўлга олинган. 2020 йилнинг 17 августда эса карантин юмшатилгач у Ўзбекистонга этап қилдирилган.
Эндиликда Ҳуррам Б. 135 моддаси “г” банди 3 қисмида назарда тутилган жиноятни содир этганликда айбланмоқда.
