Тошкентда жиноий гуруҳ 2 млрд сўмдан ортиқ пулларни ўғирлади. Бу ҳақда ҳуқуқ тартибот органлари хабар қилди.
Маълум бўлишича, 15 август куни соат 21:30 дан 16 август куни соат 17:30гача бўлган вақт орасида пойтахтдаги МЧЖларнинг бирига номаълум шахслар ташқи деразани бузиб, омборхона ва бухгальтерлар хонасидан 2 млрд сўмдан ошиқ пулларни олиб, воқеа жойидан яширинган. Шундан сўнг тезкор тадбирлар натижасида ушбу ишни рақамсиз Ласетти автомобилида келган 6 нафар шахс қилгани аниқланган. Кейинчалик ушбу ишни яна бошқа 2 нафар фуқаро ўзаро тил бириктириб содир этгани маълум бўлган.
Ҳозирда уларнинг барчаси ушланган. Ҳолат юзасидан ЖКнинг 169-моддаси 4-қисми “а” банди билан жиноий иш қўзғатилган.
