Навоийда маҳалла раиси эҳтиёжмандларга ажратилган пулнинг маълум қисмини фирибгарлик йўли билан қўлга киритди. Бу ҳақда ҳуқуқ тартибот органлари хабар қилди.
Маълум бўлишича, Нурота туманидаги маҳалла раиси иккита эҳтиёжманд оилага уй сотиб олиш учун ажратилган бюджет пулининг 28,5 млн сўмини уйни таъмирлаб беришни ваъда қилиб, фирибгарлик йўли билан қўлга киритган. Кейинчалик раис у пулларни ўз эҳтиёжи учун сарфлаб юборган.
Ҳуқуқ тартибот органлари ходимлари аралашиб, воқеани очиб бергандан сўнг раис қилган ишидан қаттиқ пушайман эканини билдириб, олган пулларининг 19 млн сўмини ўз хоҳишига кўра қайтариб берган. Ҳозирда ҳолат юзасидан ЖКнинг 168-моддаси 2-қисми “а” банди билан жиноят иши қўзғатилиб, тергов ҳаракатлари олиб борилмоқда.
Аввалроқ Ботир Парпиев маҳалла раисларини танқид қилиб ўтган эди.
