Қорақапоғистон Республикаси Шуманой тумани "Бегжап" ОФЙда шоқоллар қишлоқда яшовчиларга ташланган. Ушбу овулда яшовчи икки фуқарога шоқол ташланиб, тишлаб олган. Натижада улар ҳозирда Шуманой тумани тиббиёт бирлашмасида қутириш касаллигига қарши даволонмоқда.
Шунингдек, Шуманой туманидаги "Қарабайли" ОФЙда қутирган шоқол қишлоқда яшовчи аёлга ташланиб, тишлаб олган. Аёл зудлик билан касалхонага ётқизилган. Текшириш натижасида шоқол қутирганлиги аниқланган. Бу ҳақда Шуманой тумани ҳокимининг ўринбосари Ниъомжон Алланиязов маълумот берган.
Маълумотда айтилишича, туман ҳокимияти овчилар гуруҳини тузиб, қутирган шоқолларни отишни топширган. Бундан ташқари, агар кимда-ким шоқолни отиб ўлдирса 50 минг сўм ваъда қилинган. Қўшимча маълумот, ўтган йили Шуманой тумани "Дўстлик байроғи" ва "Дехқонобод" ОФЙларда бир гуруҳ болаларни қашқирлар талаганди.
