Сўх туманидаги оммавий тартибсизлик бўйича 6 кишига нисбатан жиноий иш қўзғатилди. Бу ҳақда Бош прокуратура хабар қилди.
Тартибсизликда иштирок этган 6 нафар шахсга нисбатан ЖКнинг 219 ва 244-моддалари билан айб эълон қилиниб, уларга “қамоққа олиш” тарзидаги эҳтиёт чораси қўлланилган. Уларга нисбатан шу йил 1 июнь куни Фарғона вилояти прокуратураси томонидан жиноий иш қўзғатилган.
Улар орасида вилоят ҳокими бошчилигидаги делегацияга қарата тош отган фуқаро ҳам бор. Эслатиб ўтамиз, Сўх туманида 31 май куни тартибсизликлар рўй берган.
