Самарқандда эркак хотинини чиройи учун ёқиб юборди. Бу ҳақда EVERYDAY.UZ мухбири STV канали маълумотига таяниб хабар қилди.
Маълум бўлишича, самарқандлик 36 ёшли эркак хотинига бензин сепиб, ёқиб юборган. Ҳодиса юзасидан бўлиб ўтган судда эркак хотини жуда чиройли бўлгани учун ушбу ишни қилганини айтган. Шунингдек, эркак хотини билан бирга яшаган вақтида ҳеч қачон хиёнат қилмаганини билдирган. Лекин аёлга атрофдаги эркакларнинг назар ташлаши унинг доим жаҳлига теккан. Эркакнинг сўзларига кўра, энди хотинига ҳеч қарамайди. Ҳодисадан сўнг жабрланувчи бир ойдан ошиқ вақт давомида шифохонада ётган. Аёлнинг танасининг 25 фоизи куйиш жароҳатини
олган. Шунингдек, юзида, ўнг қўлида ва баданининг турли ерларида чандиқ қолиб кетган.
Самарқандда бўлиб ўтган судда аёл эркакка нисбатан адолатли қарор чиқаришни сўраган. Суд қарорига кўра эса эркак ЖКнинг 104 моддаси билан айбли деб топилиб, 6 йилга қамалган.
