ДХХ томонидан ўтказилган тезкор тадбир давомида мамлакатимизда валюта билан ноқонуний ишлар амалга оширган фуқаролар ушланган. Бу ҳақда EVERYDAY.UZ мухбири хабар қилди.
Маълум бўлишича, фуқаро Андижон вилояти Хўжаобод туманидаги Янги Фарғона МФЙ орқали Қирғизистонга 180 минг долларни ноқонуний олиб чиқиб кетаётганда ушланган. У 200 минг сўм эвазига ушбу пулларни қўшни давлатга олиб ўтиб бермоқчи бўлган. Ҳозирда пулларнинг ҳақиқий эгасини аниқлаш ишлари олиб борилмоқда.
Шунингдек, тошкентлик икки нафар фуқаро мамлакатимизга ноқонуний олиб келинган, қалбаки 88.450 долларни Бухорода 34.000 долларга сотган вақтда ушланган. Кейинчалик уларнинг олдида яна 10.050 сохта доллар аниқланган. Умумий ҳисобда фуқаролардан 98.500 қалбаки доллар аниқланган.
Юқорида қайд этилган ҳолатлар юзасидан жиноий иш қўзғатилган ва тергов ҳаракатлари олиб борилмоқда.
