Аввалроқ Жиззах вилоятида 9 синф ўқувчиси вафот этгани ҳақида ёзган эдик. Қиз дарс давомида хушидан кетган.
Маълумотларга кўра қиз хушидан кетиб қолган ва кўрсатилган биринчи тиббий ёрдамга қарамай, ўзига келмаган. Бош прокуратура томонидан ҳодиса тафсилотлари эълон қилинди.
Дастлабки маълумотларга кўра, мактаб ўқувчиси ўткир нафас юрак-қон томир етишмовчилиги тез ва қисқа вақт ичида юзага келганлиги сабабли вафот этган. Таъкидланишича, эрталаб мактабга кириш қисмида қизда тана ҳарорати жойида бўлган ва касалликнинг бирон-бир белгилари аниқланмаган.
