Ҳавотирга ўрин йўқ, шубҳали чемодандан бомба топилмади, дейилади Тошкент шаҳар ИИББ тарқатган хабарда.
Бугун соат 13.15 да 102 рақамига “Чилонзор” метро бекатидан чиқиш жойига унча узоқ бўлмаган ҳудудда эгасиз чемодан ётгани ҳақида бир киши хабар берган. Воқеа жойига зудлик билан Махсус операцияларни мувофиқлаштириш бошқармаси махсус отряди ва бошқа тезкор хизмат гуруҳлари етиб боради. Текширувлар натижасида чемодан ичидан эски матрац топилган.
Шунингдек, ИИББ барчани огоҳликка чақирмоқда. Эгасиз қолдирилган буюмларни кўрганда 102 рақамига қўнғироқ қилиш сўралган.
