Хоразмда эркак банк ходимасини жароҳатлаб, 40 минг долларни ўғирлаб кетди. Бу ҳақда ҳуқуқ тартибот органлари хабар қилди.
Маълум бўлишича, кеча, 30 октябрь куни соат 10:04 ларда Урганчдаги «Тинчлик банк хизматлари» кичик банк биносида 30 ёшли эркак жиноят содир этди. У банк ходимасининг ёлғизлигидан фойдаланиб, унга жароҳат етказиб, кассадаги 21 088 АҚШ доллар ва 19 миллион сўмни ўғирлаб кетган. Ходима дарҳол ташвиш сигналини босган ва воқеа жойига ҳуқуқ тартибот органлари ходимлари етиб келган.
Тезкор тадбир давомида гумондор ушланган. У 30 ёшли, Урганч туманида яшовчи М.Э. эканлиги аниқланган. Ҳозирда ҳолат юзасидан суриштирув ишлари олиб борилмоқда.
