Хабарингиз бор, Андижон вилоятида фуқаро А. Абдукаримов ички ишлар ходимларининг зўрлик ишлатиши оқибатида вафот этган эди. Вилоятда ўша ишда айбдор бўлганларга суд ҳукми ўқилди.
Олий суднинг маълум қилишича, вилоят судида мазкур иш ўрганиб чиқилиб, олти нафар ички ишларнинг собиқ ходимларига нисбатан суд ҳукми ўқилган. Унга кўра, Д. Ҳамралиев 2 йил муддатга ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 9 йилга озодликдан маҳрум қилиш жазоси тайинланди. Қ. Қодиров, Э. Райимжонов ва Ф. Ҳусанбоевлар 2 йил муддатга ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиниб, 10 йилга озодликдан маҳрум қилиш жазоси тайинланди. П. Мамажоновга ҳам 2 йил муддатга ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиш ва 8,5 йилга озодликдан маҳрум қилиш жазоси тайинланди. Уларнинг барчаси жазо муддатини умумий тартибли колонияда ўтайди.
А. Тўрақуловга эса 1 йил муддатга ички ишлар идораларида ҳамда бошқа мансабдорлик вазифаларида ишлаш ҳуқуқидан маҳрум қилиш ва 1 йил озодликдан маҳрум қилиш жазоси тайинланди. У жазони манзил-колониясида ўтайди.
