Маълум бўлишича, Қашқадарё вилоятининг Муборак туманида жойлашган «Муродбой-Сухроббой» МЧЖдаги ғишт ишлаб чиқарувчи цехида тегишли ташкилотлар томонидан текширув олиб борилган ва натижада ноқонуний равишда газ қувурига уланиб олингани маълум бўлган. Ушбу газ орқали ғишт ишлаб чиқарилган ва қувурга уланган 12 та мослама ашёвий далил сифатида олинган.
Таъкидланишича, жамият 4,3 млрд сўмлик газни ўғирлаган. Ушбу газ қиш мавсумида мактаблар, шифохоналар, уй фонди, боғчалар ва ногиронлар уйига етказиб берилиши керак бўлган. Барча тўпланган ҳужжатлар ҳуқуқни муҳофаза қилувчи органларга топширилган.
