Тошкент вилоятида дам олишдан қайтаётган маст судья ЙПХ ходимига қаршилик қилиб, кийимини йиртиб ташлагани маълум бўлди. Бу ҳақда Дарё нашри хабар қилди.
Маълум бўлишича, бугун, 30 ноябрь куни Олий судда конференция бўлиб ўтган. Унда Коррупцияга қарши курашиш агентлиги директори ўринбосари Умида Тўхташева иштирок этиб, шу йил октябрь ойида бўлиб ўтган воқеа хусусида гапирган. Тўхташеванинг айтишича, Паркент туманида ЙПХ ходими Тошкент вилояти суди судьясининг автомашинасини тўхтатган. Трансопртни судья маст ҳолатда бошқариб келаётган бўлган. Шу сабабга кўра ЙПХ ходими унга маъмурий баённома расмийлаштираётган вақтда судья ходимга қаршилик қилиб, унинг кийимини йиртиб ташлаган ва ҳақорат қилган. ЙПХ ходими тан жароҳати олган.
Шу тариқа агентлик вакили судяьлар орасида ҳам одоб-ахлоқ қоидалари қўпол равишда бузилиш ҳолатлари кузатилиб турганини билдирган.
