Навоийда ҳокимни судга берган эркакнинг жасади ариқдан топилди. Бу ҳақда Хабар.уз нашри хабар қилди.
Маълум бўлишича, вилоятнинг Хатирчи туманида фермер туман ҳокими устидан судга мурожаат қилган. Фуқаро ҳокимнинг унга берилган ер майдонига оид ижара шартномасини бекор қилиш ҳақидаги қарори устидан шикоят қилган бўлган. Лекин, суд ўтказилиши керак бўлган санага етиб бормай, фермер вафот этган. Унинг жасади Полвонота МФЙдаги ариқдан топилган.
Бош прокуратуранинг хабар қилишича, жасад 5 ноябрда ҳеч қандай жароҳатларсиз ариқдан топилган. Суд-тиббий экспертизасининг хулосасига кўра, эркак юрак нафас йўлларининг сув билан беркилишидан келиб чиққан механик асфекция натижасида вафот эган. Ҳозирда терговга қадар текширув ҳаракатлари олиб борилмоқда.
