Тармоқларда Тошкент метросида содир бўлган ҳодиса видеоси тарқалди. Видео телеграм каналларда эълон қилинди.
Видеода аёлнинг метро рельсига тушиб кетганини кўриш мумкин. Видеони тарқатганлар воқеа Алишер Навоий метро бекатида содир бўлганини айтмоқда.
Ҳуқуқ тартибот органлари ходимлари ва фуқароларнинг ёрдами билан аёлни қутқариб қолишга эришилди. Аёлнинг қулаб тушиши сабаби очиқланмади. Пойтахт метрополитени томонидан бу бўйича изоҳ берилмади.
