Наманганда спиртли ичимликдан заҳарланган 12 нафар беморнинг 2 нафари вафот этди. Бу ҳақда бош прокуратура хабар қилди.
Маълум бўлишича, ушбу беморлар 2020 йилнинг 29-31 декабрь кунлари заҳарланиш ташҳиси билан шифхонага ётқизилган. Уларнинг барчаси Қирғизистон Республикаси акциз маркаси ёпиштирилган “Градусник” номли спиртли ичимликни истеъмол қилган.
Айни вақтда ушбу ҳолат юзасидан туман прокуратураси томонидан жиноят иши қўзғатилган бўлиб, тергов ҳаракатлари олиб борилмоқда.
