Ижтимоий тармоқларда Бухоро вилоятида содир бўлган воқеа видеолавҳаси тарқалди.
Видеода янги қурилаётган уйда портлаш содир бўлганини кўриш мумкин. ФВВнинг маълум қилишича, ҳодиса бугун, 4 февраль куни соат 17:50да Бухоро шаҳри Ислом Каримов кўчасида қурилаётган 8 қаватли бинода содир бўлган. Хабарда айтилишича, бинонинг 3-қаватида ҳаво газ арашмасидан чақнаш содир бўлган.
Ҳодиса оқибатида 3 киши жароҳатланган. Ҳозирча ҳалок бўлганлар ҳақида маълумот келиб тушмаган. Воқеа жойида масъуллар керакли ишларни амалга оширмоқда.
