Бухорода 27 ёшли йигит икки нафар аёлга ОИВ касаллигини юқтирди. Бу ҳақда вилоят ҳуқуқни муҳофаза қилувчи органлари хабар қилди.
Маълум бўлишича, фуқаро Б.Н.да 2016 йилда ОИВ инфекция аниқланган. Лекин шунга қарамай йигит 2018 йил ноябрь ойидан 2020 йилнинг март ойигача 1979 йилда туғилган П.П. билан ҳимоя воситаларисиз жинсий алоқада бўлиб юрган. Шунингдек, йигит 2020 йил 08 октябрдан бошлаб К.К. исмли аёл билан шаръий никоҳ асосида яшай бошлаган ва у билан ҳам ҳимоя воситаларисиз жинсий алоқада бўлган. Кейинчалик йигит ушбу икки аёлга ҳам инфекцияни юқтиргани маълум бўлган.
Ушбу ҳолатлар юзасидан ҳуқуқни муҳофаза қилувчи органлар томонидан ЖКнинг 113-моддаси 4-қисми билан жиноят иши қўзғатилиб, дастлабки тергов ҳаракатлари олиб борилмоқда.
