Сирдарёда халқ таълими бўлими ходими 1400 доллар ва 300 минг сўм пора олаётганда қўлга олинди. Бу ҳақда Бош прокуратура хабар қилди.
Маълум бўлишича, Боёвут тумани Халқ таълими бўлими ходими А.Ш. МЧЖ ишчиси Э.А.га Боёвутда 2021 йил таъмирлаш дастурига киритилган мактабни топиб бериб, мактабнинг таъмирлаш ишларини ўша корхонага олиб бермоқчи бўлган. А.Ш. ушбу хизматни 1,5 минг долларга баҳолаган. Тезкор тадбир давомида ходим шанба куни, яъни 13 февраль санасида 1400 доллар ва 300 минг сўмни олаётганда ушланди.
Айни вақтда ушбу ҳолат юзасидан тергов ҳаракатлари олиб борилаётгани маълум қилинди.