Самарқандда фуқаро ўзи қазиган чуқурга тушиб кетди. Бу ҳақда ФВВ хабар қилди.
Маълум бўлишича, ҳодиса кеча тунда содир бўлган. Самарқанд шаҳри Б.Мирзо кўчасида яшовчи фуқаро қутқарувчиларга қўнғироқ қилиб, уни чуқурликдан чиқаришларини сўраган. Воқеа жойига ходимлар етиб бориб, уни 5 дақиқада чиқариб олган.
Кейинчалик маълум бўлиишича, фуқаро бир кун олдин чуқур қазиб қўйган бўлган. Тунда қоронғу бўлгани учун у ўша чуқурга тушиб кетган. Фуқаро жароҳат олмагани маълум бўлган.