25 январдан 26 январга ўтар кечаси соат 2.00 да Абдулла Қодирий кўчасида (Собиқ ҳайвонот боғи атрофи) йўл транспорт ҳодисаси рўй бергани ҳақида хабар келиб тушди, дея маълум қилди Тошкент шаҳар ИИББ.
“Нексия-3” автомобили ҳайдовчиси реклама баннери остидаги устунга бориб урилган. ЙТХ оқибатида 25 ёшли ҳайдовчи Ахрорбек Т. ва икки йўловчи қиз воқеа жойида ҳалок бўлган. Учинчи йўловчи қиз шифохонага ётқизилган ва ҳозирда шифокорлар унинг аҳволи оғир эканини айтишмоқда.
ЙТХнинг дастлабки таҳминий сабаби этиб ҳаракат тезлигининг оширилгани ва унинг натижасида бошқарув йўқотилгани кўрсатилмоқда.
