Хоразм вилоятида 15 февраль куни соат 03:30ларда қотиллик содир бўлди. Бу ҳақда EVERYDAY.UZ мухбири хабар қилди.
Маълум бўлишича, ўша вақтда Шовот тумани Гулистон МФЙда яшовчи эркак синглисини “Дамас”дан тушаётганини кўриб қолган. Шундан сўнг ака ҳайдовчи билан жанжаллашган ва ёғоч бўлаги билан унинг бошига уриб, ҳаётига зомин бўлган.
Ушбу ҳодиса юзасидан акага нисбатан ЖКнинг 104-моддаси 3-қисми “Д” банди (қасддан баданга оғир шикаст етказиш) билан жиноят иши қўзғатилган ва у ҳибсга олинган. Айни вақтда тергов ҳаракатлари олиб борилмоқда.
