STV телеканали 14 февраль куни “Шарқ” поезди фуқарони уриб кетгани ҳақида хабар қилди. Сўнгги маълумотларга кўра эркакнинг жасади соат 22:40 ларда Пастдарғом туманида (Жума станциясида) топилган.
Кейинчалик эркак 1977 йилда туғилгани ва воқеа содир бўлган жойга унча узоқ бўлмаган ҳудудда яшагани маълум бўлган. Ҳозирча ҳодисага нима сабаб бўлгани маълум эмас.
Эслатиб ўтамиз, аввалроқ Тошкентда қизни поезд уриб кетгани айтилган эди. Фуқаро наушникда бўлгани учун поездни пайқамай қолган.