Тошкент вилояти Нурафшон шаҳрида аслида йўқ бўлган уйларни 100 минг долларга сотмоқчи бўлган фуқаролар қўлга олинди. Бу ҳақда вилоят ҳуқуқ тартибот органлари хабар қилди.
Маълум бўлишича, уч нафар фуқаро 40 ёшли Дилнура А. танишлари 23 ёшли Азиз Ғ. ва 23 ёшли Нодира И.лар Тошкентда яшовчи Р.Т.га аслида ҳеч қаерда рўйхатда бўлмаган Нурафшон шаҳридаги 3 та ҳовлини кадастр ҳужжатларини қалбакилаштириб, 100 минг долларга сотмоқчи бўлган. Фуқаро Р.Т. ушбу ҳодиса ҳақида ҳуқуқни муҳофаза қилувчи органларга мурожаат қилгач фирибгарлар 30 минг долларни олаётганда ушланган. Шунингдек, уларнинг ёнидан Нурафшондаги Наврўз МФЙда жойлашган 2 та уй ва Истиқлол МФЙдаги битта уйнинг қалбакилаштирилган ҳоким қарори, кадастр ҳужжатлари ашёвий далил сифатида олинган.
Эътиборли жиҳати, ушланганлардан бири Дилнура А. ҳозирда фирибгарлик, ва пора бериш жиноятлари билан тергов остида бўлган, Азиз эса 2019 йилда фирибгарлик жинояти билан судланган бўлган. Айни вақтда юқоридаги ҳолат юзасидан суруштирув ишлари олиб борилмоқда.
