Тошкентда аёл ҳуқуқ тартибот органларига ёлғон хабар берди. Бу ҳақда EVERYDAY.UZ мухбири хабар қилди.
Маълум бўлишича, 41 ёшли Дилдора М. шу 20 февраль куни ҳуқуқ тартибот органларига мурожаат қилган. У ўз мурожаатида 19 февралдан 20 февралга ўтар кечаси 16 ёшли фарзанди Мустафо Т.,ни ни номаълум шахс ниқоб тақиб уриб, 20 млн сўмлик тилла-тақинчоқларини олиб қўйганини айтган. Шундан сўнг, олиб борилган тадбирлар давомида аёл ёлғон хабар бергани маълум бўлди.
Дилдора шу йўл билан уйидан кетиб қолган эрини қайтармоқчи бўлган. Ҳолат юзасидан аёлга нисбатан ЖКнинг 237-моддаси 1-қисми (Ёлғон хабар бериш) билан жиноят иши қўзғатилган. Тергов ҳаракатлари давом этмоқда.
