Сурхондарё вилояти Жарқўрғон туманидаги 4-умумий ўрта таълим мактаби директори Д.Б мактабнинг 11-синф ўқувчиси М.А.ни дарсга кеч қолгани учун урган. Ўсмирнинг онаси ушбу ҳолат юзасидан вилоят прокуратурасига мурожаат қилган, дея хабар қилмоқда Kun.uz.
Аёл ўз аризасида берилган зарба ўғлининг қулоқ пардасини йиртиб юборганини билдирган.
Бош прокуратура матбуот хизмати манбага тасдиқлашича, айни вақтда Жарқўрғон туман прокуратураси жабрланувчининг онаси берган ариза асосида терговга қадар текширув ҳаракатларини олиб бормоқда.
Текширув давомида М.Ага нисбатан суд-тиббий экспертизаси тайинланган.
Бош прокуратура ушбу ҳодиса бўйича жараённи ўз назоратига олган.
