Аввалроқ Чилонзор туманида жойлашган “Шовотландия” кафесида ёнғин содир бўлгани ва унинг натижасида 5 киши ҳалок бўлгани ҳақида ёзган эдик.
Маълум бўлишича, 26 февралдан 27 февралга ўтар кечаси содир бўлган ушбу ёнғинни ким содир этгани аниқланган. Ёнғинни асли самарқанлик, Тойлоқда яшовчи С.Ф. содир этгани маълум бўлди. У ўша куни тунда Матизда кафе ёнига келиб, дастлаб шишадаги суюқликни сепган ва сўнгра ёқиб юборган. Кафе ёнганига ишончи комил бўлгач, воқеа жойидан яширинган.
Мухбиримизнинг қўшимча қилишича, С.Ф. аввал ЖКнинг 164-моддаси 4-қисми (жуда кўп миқдорда босқинчилик), 168-моддаси 3-қисми (кўп миқдорда фирибгарлик), 127-моддаси 3-қисми (вояга етмаган шахсни ғайриижтимоий хатти-ҳаракатларга жалб қилиш) билан судланган бўлган. Юқоридаги ҳолат юзасидан эса ЖКнинг 173-моддаси 2-қисми «б, в» бандлари (мулкни қасддан нобуд қилиш ёки унга зарар етказиш) билан жиноят иши қўзғатилган.
Иш бўйича тергов ҳаракатлари пойтахт прокуратураси томонидан олиб борилмоқда.
