Қорақалпоғистон Республикаси Хўжайли туманида аянчли ҳодиса юз берди. Бу ҳақда Қорақалпоғистон Республикаси прокуратураси хабар берди.
Маълум бўлишича, шу йил 28 феврал куни Б.Қ., С.Л. ва Ж.Т.лар А.А.нинг эски уйини бузаётганда девор қулаб тушган. Уч нафар фуқаро воқеа жойида ҳалок бўлган.
Ушбу иш юзасидан ЖКнинг 257-моддаси 2-қисми «а» банди (меҳнатни муҳофаза қилиш қоидаларини бузиш одам ўлишига сабаб бўлиши) билан жиноят иши қўзғатилган. Дастлабки тергов ҳаракатлари олиб борилмоқда.
