Сурхондарё вилоятида фирибгарлик билан боғлиқ жиноят содир этилди. Бу ҳақда EVERYDAY.UZ мухбири хабар қилди.
Маълум бўлишича, ўтган йили июнь ойида 26 ёшли Алия Р. Жарқўрғон туманида яшовчи 47 ёшли Насиба Д.нинг ишини ҳал қилиб бераман деб, уни алдаб кетди. Гап шундаки, Насиба қайонтасининг уйини номига расмийлаштириб олмоқчи бўлган. Алия эса нотариусдаги таниши орқали ушбу муаммони ҳал қилиб беришини айтиб, Насибадан 6,5 млн сўм ва уй ҳужжатларини олган. Лекин Алия ваъдасини бажармаган.
Шунингдек, Алия 39 ёшли Барчинойни ҳам алдаган. У Барчинойга кредит олиб бераман деб 600 минг сўмини олган ва шу билан йўқ бўлиб кетган. Ушбу ҳолатлар юзасидан Алияга нисбатан ЖКнинг 168-моддаси 3-қисми “б” банди (Фирибгарлик) билан жиноят иши қўзғатилиб, тергов ҳаракатлари олиб борилмоқда.
