ДХХ томонидан одам савдосига чек қўйилди, бу ҳақда ДХХ матбуот хизмати хабар қилди.
Маълум бўлишича, бухоролик 37 ёшли фуқаро Ж.Р. ва урганчлик 34 ёшли Қ.Д.лар Хоразмда туғилган 21 ёшли С.М.ни Уммон давлатига фоҳишалик қилиш учун олиб чиқиб кетмоқчи бўлган вақтда Тошкентдаги аэропортда ушланган. Улар С.М.ни “Тошкент-Шаржа”, “Шаржа-Маскат” йўналиши бўйлаб олиб кетмоқчи бўлган. Суриштирувлар давомида Ж.Р. аллақачон С.М. номига визани расмийлаштириб қўйгани ҳам аниқлнган. Шунингдек, ДХХнинг қўшимча қилишича, Ж.Р. аввал ҳам БАА ва Уммон Султонлигига қизларни фоҳишалик қилиш учун юборганликда айбланиб, ЖКнинг 135-моддаси (одам савдоси) билан бир неча маротаба судланган бўлишига қарамасдан, ўз хатоларидан тўғри хулоса чиқармаган.
Ҳозирда Ж.Р. ва Қ.Д.ларга нисбатан одам савдоси бўйича жиноий иш қўзғатилган. Тергов ҳаракатлари олиб борилмоқда.
