Наманган вилоятида Нексия-2 автомобили ёниб кетган видео тарқалди. Видео телеграм каналларда эълон қилинди.
Маълум бўлишича, ҳодиса бугун, 13 март куни соат 18:30ларда Наманган шаҳрининг Давлатобод туманида содир бўлган. 25 ёшли ҳайдовчи бошқарувидаги Нексия-2 ҳаракатланиб кетаётганда унда ёнғин чиққан. Ҳайдовчи дарҳол машинани йўл четида тўхтатган.
Воқеа жойига ўт ўчирувчилар етиб келиб, уни бартараф этган. Ҳодиса оқибатида ҳеч ким жабрланмаган. Воқеа юзасидан суриштирув ишлари олиб борилмоқда.
