Тошкент вилоятида 14 ёшли қиз зўрлангани маълум қилинди. Бу ҳақда ЎзА нашри хабар қилди.
Маълум бўлишича, ўтган йили ёзда айни карантин вақтида 14 ёшли қиз аммасининг уйига меҳмонга борган. Кўчада транспорт ҳаракати чеклангани учун у ичида икки йигит бўлган машинага чиққан. Сўнгра йигитлар қизни алдаб, “дача”га олиб кетган ва ўша ерда қизга дори ичириб, уҳлатиб қўйган. Бу орада йигитлардан бири уни турли ҳолатда суратга олган. Шундан сўнг йигит қизга бу ерга келганини ҳеч кимга айтмаслик шарти билан уни уйига олиб бориб қўйган.
Орадан вақт ўтгач йигит қизнинг олдига келиб “сумканг қолиб кетибди” деб баҳона қилиб чақириб олган ва суратларни тармоқларда тарқатиб юбориш билан қўрқитиб, кўп қаватли уйга олиб борган ва қиз йўқолиб қолган. Бу орада қизи йўқолиб қолганини эшитган ота Москвадан қайтиб келган ва ҳуқуқ тартибот органларига мурожаат қилиб, ўзи ҳам қизини қидиришга тушган. Лекин қиз топилмаган. Орадан бир неча кун вақт ўтгач қиз уйига абгор аҳволда келган. Бу вақтда эса ота қизини сиқтаб, барча воқеаларни билиб олган.
Маълум бўлишича, қиз сўнгги икки кунни узоқда жойлашган контейнерда ўтказган. Йигит қизни зўрлаш билан бирга, овлоқ жойга уни олиб бориб, контейнерга қамаб қўйган ва шу тариқа қизнинг ўлишини хоҳлаган. Лекин қиз бахтли тасодиф билан у ердан қутулиб қолган. Отанинг айтишича, ҳолат бўйича жиноий иш қўзғатилган. Лекин орадан 6 ой вақт ўтган бўлсада йигитларга ҳеч қандай чора кўрилмаган. Нашр ота ички ишларга ва бошқа ташкилотларга қатнаб чарчаганини маълум қилди.
