Ижтимоий тармоқларда Тошкент вилояти ҳудудида бир нечта автомобиль иштирокида ЙТҲ содир бўлгани акс этган видео тарқалди. Видео телеграм каналларда эълон қилинди.
Видеода йўл ойнадек музлаганини ва унинг натижасида бир нечта автомобиль иштирокида ЙТҲ содир бўлганини кўриш мумкин. ИИВ ЙҲХББ томонидан эълон қилинган ахборотда ушбу ҳодиса бугун, 18 март куни Тошкент вилояти, Қибрай тумани ҳудудида содир бўлгани айтилмоқда. Унда "Матиз", "Кобальт", "Дамас", "Ваз-2106" ва "Нексия" иштирокида ЙТҲ содир бўлгани маълум қилинган.
Ҳодиса юзасидан суриштирув ҳаракатлари олиб борилмоқда.
