Тошкент шаҳрида ота ўз ўғлини ўлдирди. Бу ҳақда Даракчи нашри хабар қилди.
Маълум бўлишича, 2018 йилнинг 27 август куни Яшнобод туманида яшовчи ота ўғлини спиртли ичимлик ичганликда айблаб кетмон билан ўлдириб қўйган. Шундан сўнг у 28 август куни мурдани ертўлага кўмиб қўяди. У жиноят фош этилмаслиги учун октябрь ойида мурда кўмилган жойни цементлаб қўяди.
Хабар қилинишича, эркакнинг қизи акаси йўқолиб қолгани ҳақида ҳуқуқ тартибот органларига мурожаат қилган кундан сўнг ота 2019 йилнинг октябрь ойида боласининг мурдасини кавлаб олиб, томга яшириб қўйган. 2020 йилнинг 14 февралида эса мурдани қўшнисининг томига олиб бориб қўяди.
Ота ҳар қанча уринса ҳам жинояти фош бўлади. Ҳодиса юзасидан суд бўлиб ўтган ва эркак ЖКнинг 97-моддаси 1-қисми билан айбли деб топилиб, 11 йил муддатга озодликдан маҳрум қилинган.
