Бухорода ўғил отасини тириклайин ёқиб юборди

Бухорода ўғил отасини тириклайин ёқиб юборди
Бухоро вилояти Вобкент тумани судида 18 январь куни ўз отасини уриб, сўнг уни ёқиб юборган 39 ёшли ўғил – Қудрат Кенжаев устидан ҳукм ўқилди. Бу ҳақда «Дарё» хабар қилди.

Маълум бўлишича, Бухоро руҳий касалликлар шифохонасида «Шизоаффектив психоз» ташхиси билан «D» рўйхатда турган Қудрат Кенжаев 2018 йилнинг 19 сентябрь соат 16:00 ларда молхонада ишлаётган отаси Жалол Кенжаевни ёғоч таёқ билан уриб, ерга йиқитган. Ота ҳушсиз ҳолатда бўлганда, ҳовлидаги елим идишда турган бензинни отасининг устига сепиб, уни тириклайин ёқиб юборган.

Ўз ҳаракатларини идрок қилмаган Қудрат Кенжаев, отаси Жалол Кенжаевнинг ёниб ётган танаси устига ҳовлида бўлган ҳашак, ёғоч, велосипед ва бошқа ҳар хил буюмларни ташлаган. Бундан ташқари Қудрат ҳовлида боқилган товуқларни таёқ билан уриб, оловга ташлаб, алангани кучайтирган. Оқибатда Қудрат Кенжаевнинг отаси 100 фоиз куйиб, воқеа жойида вафот этган.

Суд мажлисида гумон қилинувчи тариқасида сўроқ қилинган Қудрат Кенжаев кимнидир уриб кейин ёқиб юборганлигини, лекин бошқа нарсани эслаб билмаслигини, суд залига келганларни ҳам танимаслигини, улар билан учрашувни ҳам хоҳламаслигини, бошқа гапирмаслигини билдириб қисқа кўрсатма берган.

Самарқанд вилоят руҳий асаб касалликлари шифохонаси эксперт врачларининг 12 декабрь 2018 йилдаги хулосасига кўра, Қудрат Кенжаев юқорида қайд этилган ижтимоий хавфли ҳаракатлар пайтида параноид шизофрения касаллиги сабаб, қилаётган ишларига жавоб бера олмаган.

Суд 18 январь куни Қудрат Кенжаевга нисбатан ўзини-ўзи бошқара олмайдиган ҳолатда бўлганлиги, умумий типдаги руҳий касалликлар шифохонасида мажбурий даволанишга муҳтож эканлиги эътиборга олиниб, Тошкент шаҳридаги Ўзбекистон кузатуви кучайтирилган руҳий касалликлар шифохонасига жойлаштирилди ва жиноят ишини тугатиш тўғрисида ажрим қабул қилди.

Шунингдек, суд Жиноят Процессуал Кодексининг 296, 298-299 ва 423-моддалари тартибида хусусий ажрим қабул қилиб, унда жиноятни содир этилишига сабаб ва унга имкон берган шарт-шароитлар таҳлил қилинди. Ақли норасо Қудрат Кенжаев 2011 йилдан Бухоро руҳий касалликлар шифохонасида рўйхатда туриб, бир неча марта касаллик хуруж қилганда даволаниб чиққанлиги, мазкур оилада юзага келган муаммолар ўз вақтида ҳал қилиш, ишга масъул бўлган шахслар томонидан руҳий касал шахсни устидан етарли назорат олиб бормаганликлари натижасида оғир оқибатга олиб келган.

Шу каби жиноятларни келгусида содир қилинишини олдини олиш мақсадида Хусусий ажримни маҳалла раислари ва фаоллари ҳамда ишга масъул бўлган ходимлар ўртасида кўриб чиқиш зарурлигини эътиборга олиб, Шофиркон туман ҳокимлигига киритилди.

Ўхшаш янгиликлар

  1. Zafar 10 феврал 2019 15:24
    Ishonmayman
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Видео: Деновда йил бошидан буён 15 марта қоида бузган ҳайдовчи 17 ёшли боланинг умрига зомин бўлди

Сурхондарё вилояти Денов туманида аянчли ЙТҲ содир бўлди. Бу ҳақда EVERYDAY.UZ мухбири хабар қилди. Маълум бўлишича, ҳодиса шу йил 10 июнь...
Бугун, 10:42

Андижонда ўғлини тиламчилик қилишга мажбурлаган аёл оналик ҳуқуқидан маҳрум қилиниши мумкин

Аввалроқ Андижонда аёл ўғлини тиламчилик қилишга мажбурлагани ҳақида хабарлар тарқалган эди. Ҳолат вилоят прокуратураси томонидан назоратга...
Бугун, 10:10

Самарқанддаги “заправка”да газ ортилган юк автомашинаси портлаб кетди. Икки киши воқеа жойида ҳалок бўлди

Самарқанд вилоятида суюлтирилган газ ортилган юк автомашинаси портлаб кетди. Бу ҳақда EVERYDAY.UZ мухбири хабар қилди. Маълум бўлишича,...
Кеча, 21:20

Қизиқчи Ортиқ Султонов янги лавозимга тайинланди

Таниқли қизиқчи,сўз устаси Ортиқ Султонов масъулиятли лавозимга тайинланди. Бу ҳақда EVERYDAY.UZ мухбири хабар қилди. Маълум бўлишича,...
Кеча, 17:21
2

Видео: Фарғонада ЙПХ ходимига қўл кўтариб, уни ҳақорат қилган ҳайдовчи қамалди

Фарғона вилояти Қува туманида ҳайдовчи ЙПХ ходимига қўл кўтариб, уни ҳақорат қилди. Бу ҳақда EVERYDAY.UZ мухбири хабар қилди. Маълум...
Кеча, 17:16
Ўзбекистон янгиликлари » Ҳодиса » Бухорода ўғил отасини тириклайин ёқиб юборди