Наманганда хитойлик шифокорлар босқинчилар ҳужумига учради. Бу ҳақда EVERYDAY.UZ мухбири хабар қилди.
Маълум бўлишича, Наманган шаҳридаги “Пекин” тиббиёт марказида ишловчи ва ўша ерда яшовчи икки нафар шифокор WU YUJI ва WU ZHILIN ҳамда уларнинг таржимони Яҳёхон У.ларга ҳужум уюштирилган. Босқинчилар хорижлик фуқаролар ва таржимонни уриб, 10 минг доллар, 100 млн сўм пул, 2та “Huawei” ва “Redmi 8” телефонларини олиб, воқеа жойидан яширинган.
Ушбу ҳодиса юзасидан ЖКнинг 164-моддасини 4-қисми “а” банди (Босқинчилик) билан жиноят иши қўзғатилган ва жиноятни содир этганлар ушланган. Улар, фарғоналик муқаддам судланган 31 ёшли Жаҳонгир К., 29 ёшли Хабибулло К. ва андижонлик 20 ёшли Абдулло Х.,лар экани маълум бўлган. Суриштирувлар натижасида Абдулло ушбу тиббиёт масканида яхшигина даромад борлигини билгани, калитни қўлга киритгани ва гуруҳ бошлиғи Жаҳонгирни қизиқтиргани аниқланган.
Тергов департаментининг маълум қилишича, уларнинг айби исботланса гуруҳ аъзолари 15 йилдан 20 йилгача қамалиши мумкин.
