Ишқий муносабат акс этган кадрларни интернетга тарқатиш билан қўрқитиб, "Матиз" олмоқчи бўлган "шантаж"чи аёл қўлга олинди

3-02-2019, 15:58
Ҳодиса
Ишқий муносабат акс этган кадрларни интернетга тарқатиш билан қўрқитиб, "Матиз" олмоқчи бўлган "шантаж"чи аёл қўлга олинди
Бухоролик фермер ва унинг ишчиси Навоий шаҳрида Муҳайё (исми ўзгартирилди) билан ”танишишади”. Кейин эса қайта “танишишади” ва яна...

Қисқача айтганда, гарчи бу танишлари безор бўлса ҳам аёл уларнинг фермер хўжалигига ойма-ой бориб турар, еб-ичиши ҳамда кийинишига пул бериб турмаса, “танишув”лар акс этган видеотасвирларни интернетга жойлаштириб, оиласи ва маҳалласи олдида шармандасини чиқаришини айтиб қўрқитарди.

Шу йўл билан Муҳайё ижарада турган уйини таъмирлатиб, “олтин балиқча” фермерлардан бир дона телевизор ундирди. Табиийки, ойма-ой тўлаб борилган ижара пуллари бунинг ичига кирмайди.

Навбатдаги ташрифлардан бирида Муҳайё Саттор (исми ўзгартирилди) исмли қариндоши билан келади. Буни қарангки, келишдан кўзланган мақсад унинг кўнгли автомашиналик бўлишни тусаётгани экан. Саттор топган “Матиз”нинг пулини тўлаб беришса, “тинч” қўйишини айтади.

27 миллион сўмлик дастлабки тўловни амалга оширган “олтин балиқча” фермерлар, қолган 20 миллион сўмни бир ой ичида тўлаш шартига рози бўлиб, ўз ёғларига ўзлари қовурилиб қолаверадилар.

— Асли Бухоро вилоятининг Бухоро туманилик фермерларнинг вилоят ИИБ бошлиғига қилган мурожаати асосида бошқармамизнинг Коррупция ва иқтисодий жиноятчиликка қарши курашиш бўлими ходимлари томонидан тезкор тадбирлар ўтказилди, — дейди вилоят ИИБ матбуот хизмати раҳбари Ўктам Усмонов. — Тадбирда юқорида исмлари ўзгартирилган ҳолда келтирилган фуқаролар видеотасвирларни интернетга чиқармаслик, фермерлик фаолиятига аралашмаслик шарти эвазига талаб қилган “Матиз” автомашинаси учун 47 миллион сўмлик тўловнинг қолган 20 миллион сўмини олаётган пайтларида ашёвий далиллар билан қўлга олинди.

Айни кунларда мазкур ҳолат юзасидан тўпланган ҳужжатлар юзасидан терговолди ҳаракатлари олиб борилмоқда, дея хабар қилмоқда "Халқ сўзи online".
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Ўзбекистон ҳудудида зилзила қайд этилди

Ерости силкинишлари учта шаҳар аҳолисига сезилган. Зилзила эпимаркази Самарқанддан 79 километр узоқликда, Қашқадарёда...
Бугун, 00:39

«Любая бизнес хороша» - Тошкентда ҳоким тилга олган ибора номи билан фирма очилди (+ФОТО)

Тошкентда «Любая бизнес хороша» номи остида фирма очилди. Фирма 16 августда Давлат хизматлари маркази томонидан...
Кеча, 20:35
/ Муҳокамалар +1

Ўзбекистонлик қаҳрамон: 20 ёшли ватандошимиз Россияда автобус ҳалокатида жабрланганларни қутқарди

Ўзбекистонлик йигит Пермдаги ЙТҲга учраган автобус ичидаги жабрланувчиларни қутқарди, деб хабар берди "Дарё". Перм...
Кеча, 20:28
/ Муҳокамалар +3

«Ўзстандарт» вакили: Мўғулистондан келадиган гўштда ‘Ҳалол’ сертификати йўқ. Маҳсулот санитария-гигиеник талабларга мос келса, сотувга чиқарилаверади

Тошкентдаги Миллий матбуот марказида 16 август куни Ўзбекистонда «Ҳалол» стандартларининг жорий қилиниши ҳамда...
Кеча, 20:17
/ Муҳокамалар +2

Атрофда ҳамма томошабин: Тошкентда йўлни бўлиша олмаган аёл ва эркак муштлашиб кетди (+ВИДЕО)

Тошкентда икки ҳайдовчи муштлашиб кетди. Уларнинг бири эса аёл. Тошкентда катта трассаларнинг бирида эркак ҳайдовчи ва...
Кеча, 19:27
/ Муҳокамалар +1